Кодот на срамот: Екссопругата на Ден Браун го тужи за двоен живот додека биле...

САД- Поранешната сопруга на авторот на бестселерот „Кодот на Да Винчи“, Дeн Браун, поднесе тужба во која  тврди дека човекот познат по тоа што пишувал за заговори и тајните друштва водел двоен живот за време на нивниот брак, ја мамел со холандска тренерка на коњи и други афери. Во својата тужба поднесена во Њу Хемпшир, Блит Браун исто така тврди дека му била инспирација за неговите книги и за насловот „Кодот на Да Винчи“. Таа исто така тврди дека Браун криел голем број на идни проекти во милионска вредност од неа , вклучително и телевизиска серија, како и детска книга што требаше да излезе во септември. Најексплозивните тврдења, сепак, се вонбрачните афери. Опишувајќи го однесувањето на Браун како „незаконско и несериозно“, Браун изјави дека за тоа дознала откако се развеле во 2019 година по 21 година брак. Таа го обвинува најпродаваниот автор во светот за тајно пренасочување на средства за подароци на неименувана тренерка на коњи, вклучително и финансирање за бизнис за обука на коњи на неговата љубовница. Таа тврди дека „нелегалното однесување“ се случило во Њу Хемпшир, Европа и на Карибите. “Ден живее живот полн со лаги во последните шест години. Даваше слика на светски писател кој води едноставен живот во неговата матична држава Њу Хемпшир, додека во реалноста тој беше нешто сосема друго” се вели во тужбата. Ден Браун, во изјавата, рече дека е „запрепастен“ од наводите и дека неговата екссопруга не била оштетена при разводот и добила половина од парите стекнати во бракот. „Од причини познати само за неа, а можеби и за нејзиниот адвокат, Блит Браун создаде преку тужбата измислена и одмаздувачка приказна за нашиот брак  со цел да ме повреди и засрами“, изјави Браун во соопштението до јавноста. Блит Браун, ентузијаст на коњи, која е вклучена во натпревари за јавање коњи, инсистираше на тоа дека ја поднесува тужбата за да ја зачува „самопочита“. „Работевме многу напорно заедно, се боревме да изградиме нешто значајно. Со голем успех дојдовме на нашите ветувања дека успехот и славата нема да не сменат нас или нашиот живот заедно “, рече таа во изјавата за јавноста. „Не го признавам човекот во кој се претворил Ден. Време е да ја откриеме неговата измама и предавство. После толку многу болка, време е за вистината. Време е да ги исправиме овие грешки“. Браун, роден во Њу Хемпшир, има низа бестселери, но е најпознат по „Кодот на Да Винчи“, трилер со загатки исполнет со загатки што ги запознаа читателите со идејата дека Исус Христос и Мери Магдалена биле во брак и имале деца. Браун изјави и дека дека секогаш ги признавал придонесите на неговата поранешна сопруга, особено по нивната прва средба во 1990 година кога таа го препознала неговиот писателски талент и го поддржувала во тоа. За време на судењето во 2006 година против издавачот на „Кодот на Да Винчи“, судот слушна како Блит Браун беше суштински соработник на неговиот во милиони продаден тираж историски трилер. Двајца автори безуспешно го тужеа, тврдејќи дека Браун „ја присвоил архитектурата“ на нивната книга во судскиот случај со голем интерес во јавноста во Лондон. Според изјавите на сведоците и судското сведоштво, Блит Браун напорно истражувала за бестселерот, дала безброј белешки и предлози и понудила непроценлива „женска перспектива“ за книга потопена во „светото женско“. (АП)

„Охридско лето’ на 4 август, онлајн продажба на билети, гостите на дистанца од 2...

Националната установа „Охридско лето“ е пред реализација на најзначајниот фестивал во државата кој годинава слави 60 години од неговото постоење. Ова јубилејно издание ќе се одржува според протоколите предвидени со моменталната состојба предизвикана од Пандемијата Ковид 19 и препораките кои ги даде Комисијата за заразни болести. Благодарни сме што надлежните сепак најдоа решение за одржување на културните збиднувања со што и годинава, по 60-ти пат, ќе блесне  сцената на врвните уметнички вредности на класичната музика и театарот. Реализацијата на Фестивалот „Охридско лето“- 2020 ќе биде според протоколот за одржување културни настани и почитување на мерките за заштита од коронавирусот Ковид-19. Почетокот ќе биде на 4 август кога фестивалот го одбележува својот роденден. Ќе спроведеме онлајн продажба на билети, а посетителите кои ќе доаѓаат на настаните треба да носат заштитни маски. Од наша страна на сцените каде ќе се одржуваат настаните ќе се постават средства за дезинфекција. Исто така ќе се почитуваат и мерките за одржување на социјална дистанца од два метри како за публиката така и за уметниците. Како Национална установа за нас најголем приоритет е грижата за јавното здравје водејќи сметка за безбедноста на нашата верна публика и врвните уметници кои ќе бидат дел од годинешново издание. Инаку подготовките се во тек, се адаптираат сцените и гледалиштата според новите протоколи, се прават финалните преговори со уметниците поврзани со условите на новонастанатата состојба со Корона вирусот, се привршуваат сите техничко организациски активности за успешна реализација на Фестивалот. Корона кризата можеби ќе го смени начинот на реализација на настаните, можеби ќе има ограничен број на посетители, намален број на концерти и претстави но никако нема да влијае врз квалитетот на она што ќе го понудиме. Ќе се потрудиме на имаме и поголем број на онлајн концерти, настани кои љубителите на уметноста ќе можат да ги следат преку лајв-стриминг. Целосно и професионално сме ангажирани Фестивалот да помине во беспрекорна реализација со содржини кои успешно ќе ја надградат успешната културна приказна на Охридско лето изминативе 60 години, изјави за „Независен“  Наташа Поповиќ, директор НУ Охридско лето.

Миланска скала се реотвара, по 600 гости на еден концерт

Италија– Славната Миланска скала ќе се реотвори идната недела по четири месеци со серија на четири концерти, на кои ќе присуствуваат само по 600 гости, што е помалку од третина на капацитетот, јавуваат италијанските медиуми. Концертите ќе се одржат на 6,8,13 и 15 јули, а уметниците ќе изведуваат арии, ќе свират инструментална музика и сл.Генералниот менаџер Доминик Мејер вели дека е за почит што Скала може да прими 600 гости заради почитување на мерките, иако капацитетот и е 2000. Гостите ќе носатр заштитна маска и ќе седат на дупли седишта така што ќе мора да доаѓаат во двојка.

Царовска во Драмски театар: Се подобруваат условите за работа на културните работници

Во изминатиот период направивме многу во областа на културата, ги подобривме условите во кои работат културните работници, ги зголемивме нивните примања, нешто што е потребно за да можат креативно да се изразуваат, порача вицепремиерката задолжена за економски прашања Мила Царовска која денеска заедно со директорката на Драмскиот театар Катерина Коцевска, заменик-министерот за култура Владимир Лазовски и националниот координатор за култура во Владата Роберт Алаѓозовски, изврши увид во тековни активности за реновирање во Драмскиот театар. По првпат после 2005 година, потенцира таа, се носи колективен договор што укажува на тоа дека се подобруваат условите за работа на културните работници. -За да може да имаме добра култура, за да имаме можност тие креативно да се изразуваат навистина треба да вложиме во плаќање достоинствено на нивната работа. И токму затоа, минатата година се направи покачување или нивелирање на платите и 90 проценти од вработените во културата добија покачување просечно од 13,9 проценти. Но, поважно е од покачувањето тоа што првпат во културата се воведе плаќање еднаква сума за еднакво извршена работа со еднаква сложеност и тоа е големо достигнување, рече Царовска. Таа смета дека во наредниот период сите ние заедно треба да вложуваме во културата уште повеќе затоа што, како што рече, ваквите објекти имаат своја душа, ваквите објекти имаат потреба од грижа и инвестиција за да може да имаме и соодветни претстави, но исто така и на децата и на возрасните да може да им се промовираат новите вредности, европските вредности, современоста, а не да се обидуваме да ги вратиме неколку века наназад. –Но, дополнително она што во културата е важно да се напомене дискутирајќи тука со актерите и со вработените е дека навистина во две години се промени начинот на кој што културата им се обраќа на гледачите или конечно во сите содржини во целиот репертоар се воведуваат современи европски вредности кио значат и за сите нас како граѓани, но исто така и за луѓето кои се во културата и кои живеат од културата, рече вицепремиерката Царовска. Директорката на Драмскиот театар Катерина Коцевска изрази задоволство што конечно нешто се прави во театарот, во неговата нфраструктура. -Од Министерството за култура побаравме средства за витални работи кои ни се неопходни, како стаклата на канцелариите и влезот на самиот театар но и за она што е најважно за нас, а тоа е сцената која е непроменета над 60 години, од кога е направен театарот, рече Коцевска.

Тимот на „Медена земја“ поканет за членство во Американската филмска академија

Режисерите Тамара Котевска и Љубомир Стефанов, како и продуцентот и монтажер на македонскиот документарен филм „Медена Земја“, Атанас Георгиев, се поканети да бидат членови на Американската академија за филмски уметности и науки. Академијата ја доделува Оскар, најпрестижната филмска награда во светот. Во „Класата 2020 година“ Академијата покани вкупно 819 филмски професионалци за нови членови. Оние кои ќе го прифатат членството ќе имаат можност да гласаат во изборот на следните добитници за наградата Оскар. – Академијата е пресреќна што може да ги покани овие успешни колеги патници во филмските уметности и науки. Ние секогаш со отворени раце го прифаќаме извонредниот талент кој ја отсликува богатата разноликост во нашата глобална филмска заедница, никогаш повеќе од сега – рекол претседателот на Академијата, Давид Рубин. Церемонијата на свеченото доделување на Оскарите е закажана за 25 април 2021 во Лос Анџелес. Поместена е за два месеца подоцна од вообичаениот термин, поради пандемијата на коронавирусот. Документарецот „Медена земја “ кој лани беше номиниран за Оскар во категориите најдобар документарец и најдобар интернационален филм и со тоа испиша историја во македонската кинематографија, раскажува приказна за Атиџе, последната жена-одгледувач на диви пчели во Европа, која живее сама со својата мајка во централна Македонија. Главна идеја на филмот е да се прикаже припадноста на човекот кон природата и нарушување на природната рамнотежа преку судир на два различни начина на искористување на Земјините ресурси.

„Браќа Манаки“ без публика и гости, ама ќе се одбележи

На последното собрание на ДФРМ, беше реизбрана Гена Теодосиевска за директор на ИФФК “Браќа Манаки”, а мандатот според Статутот на ДФРМ важи за следните две изданија на фестивалот. На самото собрание, едногласно се донесе одлука во врска со овогодинешното издание на филмскиот фестивал “Браќа Манаки” дека истото нема да може да има традиционално издание со гости и со програма како изминатите 40 негови изданија, со оглед на фактот дека големи филмски фестивали од “А” категорија како Кан, Карлови Вари, Локарно и други беа откажани, како и со оглед на објективните состојби и последици предизвикани од пандемијата. Она за што се согласни филмските работници е дека формата на одбележување на овогодинешното издание на фестивалот “Браќа Манаки”, треба да кореспондира со вредноста на фестивалот и заради тоа ќе се вложи креативна енергија и напор истата да се зачува. Останува староновиот директор на фестивалот заедно со ДФРМ да изнајдат начин за достоинствено одбележување на 41.то издание на “Браќа Манаки”, кој е наш најголем и најзначаен филмски фестивал, како и можноста за инволвираност на неговиот домаќин во “новото нормално”, градот Битола.

Филм во услови на корона: Почна снимањето на „Таја носеше црлена шамија“, хрватско-македонска копродукција

Во Хрватска почна снимањето на филмот „Таја носеше црлена шамија“ („Nosila je rubac črleni“), хрватско-македонска копродукција во режија на Горан Дукиќ. Ова е прв проект каде Македонија се јавува во улога на копродуцент за кој е најавено почнување на продукцијата овој месец, по неколкумесечната стагнација која беше предизвикана поради ковид -19. Приказната, по сценарио на Сандра Антолиќ, го следи семоќниот и сезнајниот наратор Исус Христос, не помалку сезнајната тетка Анка и љубопитната прасица Беба, кои се главните ликови на оваа романтична рурална комедија со пеење, сместена во питомото Загорје во воените 1990-ти. Со ситниот вез на слатко-горки заплети доминираат драмата на првата свинска љубов во време на воздушна тревога и дефектот на една фризерска хауба насред полузавршена фризура. Филмот е во продукција на Швенк (Хрватска), а македонски ко-продуцент е Вертиго Висуал.

Во Битола пристигна опремата за киното „Манаки“, вредна 64.215 евра

Во Битола пристигна опремата за киното „Манаки“ .Набавката на оваа опрема е дел од проектот Кинокултура кој се реализира во рамките на програмата Interreg IPA Cross-border Cooperation Programme Greece – the Republic of North Macedonia 2014-2020. Вредноста на опремата изнесува 64.215 евра. Со овој договор е набавена опрема: проектор, проекционо платно, аудио опрема, лап топ, кабелска инсталација и друга опрема. Во договорот предвидена е испораката на опремата, инсталацијата, обука на персонал кој ќе ракува со неа, како и пост- продажна услуга за кино опремата, која е адекватна за проекции во отворен и затворен простор. Инаку за ентериерно уредување на киното Манаки, обезбедени се 7.616.554,00 денари преку Министерство за култура, за капитални инвестиции до единиците за локална самоуправа за 2019 година. Иако, поради состојбата со коронавирусот проектните активности се пролонгираа, сепак истите се реализираат и комплетната опрема се набавува, согласно предвидените рокови, истакнуваат од општината Битола.

Сунчица Уневска членка на Жирито за арапски филмови на Канскиот фестивал 

Македонската новинарка и филмска критичарка Сунчица Уневска, е дел од Меѓународното жири составено од најпроминентните филмски критичари во светот, кое во периодот од февруари до април оваа година ги бираше најдобрите арапски филмови за 2019 година, што вообичаено се доделуваат на Канскиот филмски фестивал. Жирито првпат во историјата на арапската кинематографија годинава се формираше во ваков обем и беше составено од 142 критичари од 57 земји, меѓу кои Уневска, што исто така е првпат еден македонски филмски критичар да учествува во работата на едно вакво интернационално жири. Доделувањето на наградите за најдобрите арапски филмови започна во 2017 година, но оваа година првпат за нив одлучуваше вака амбициозно составено интернационално жири, за кое организаторот, Арапски филмски центар, напиша дека „се состои од највлијателните арапски и меѓународни филмски критичари од 57 земји, кои работеа заедно на изборот на најдобрите арапски филмови од изминатата година, што своите премиери ги имале на некои од големите филмски фестивали во светот“. Во избор беа 32 арапски филма, кои мораше да исполнуваат три услови: да бидат прикажани на меѓународните филмски фестивали надвор од арапскиот свет во текот на 2019 година, барем една од продуцентските куќи да биде арапска и да се работи за долгометражни филмови, играни и документарни. Жирито имаше обврска да додели награди во шест категории: за најдобар филм, за најдобра режија, за најдобро сценарио, за најдобра машка и женска улога и за најдобар документарен филм. Но, поради годинешната состојба со пандемијата на Ковид-19 наградите мораа да бидат доделени по виртуелен пат. Така, на 25 јуни, на Канскиот филмски фестивал поточно на неговото виртуелно издание, кое се одржа од 22 до 26 јуни на т.н. Кански виртуелен маркет, беа објавени  наградите за најдобрите арапски филмови од изминатата година. За апсолутен победник за 2019 беше прогласен филмот „Тоа мора да е рај“ на палестинскиот режисер Елија Сулејман. „Тоа мора да е рај“ ги доби двете главни награди, беше прогласен за најдобар филм и ја доби Наградата за режија. Инаку, овој филм на Сулејман својата премиера ја имаше токму лани во Кан, каде што му припаднаа Наградата на критиката и Специјалното признание. Наградата за најдобро сценарио ја освои филмот од Судан, „Ќе умреш на 20“, инаку дебитантско остварување на Амјад Абу Алала. Овој филм предизвика големо внимание секаде каде што беше прикажан, првенствено поради темата, но и затоа што Алала успева да направи извонреден баланс во тоа село во кое главно живеат примитивни луѓе, за кои суеверјето и предвидувањата на локалниот врач се закон. Филмот беше прикажан во Венеција, на „Венециски денови“ и ја доби наградата „Луиџи де Лаурентис“, за поддршка на млади автори, а беше селектиран и на фестивалот во Торонто. Наградата за најдобра машка улога беше сосем очекувана. Сами Бужила за улогата во филмот „Син“ од самиот почеток беше фаворит, инаку познат актер, роден во Франција, кој игра во многу европски филмови и има освоено бројни награди, меѓу кои и наградата во Кан за улогата во познатиот филм „Денови на славата“ на Рашид Бушареб. За филмот во конкуренција, дебито „Син“ на Мехди Барсуи од Тунис, веќе ја освои наградата за најдобар актер во Венеција, во програмата „Хоризонти“. „Син“ е еден исклучителен филм, кој носи бројни предизвици, како тематски, така и во поглед на неговата брилијантна игра исправена пред толку многу прашања и невозможни одлуки. Наградата за најдобра женска улога и припадна на Хинд Сабри, туниска актерка, но истовремено и адвокатка, која е многу активна во борбата за правата на жените. Хинд Сабри игра во, исто така, дебитантскиот филм на Хинде Бујема, „Сонот на Нора“, во кој остварува впечатлива улога надевајќи се дека ќе може да се разведе од нејзиниот сопруг, кој е во затвор и дека конечно ќе може да биде со својот љубовник, но работите ќе се искомпликуваат кога нејзиниот маж ќе излезе порано од затвор. Овој филм беше прикажан во Сан Себастијан, во Торино, во Картагина и на Сабри ѝ донесе неколку награди. Кај документарните филмови наградата му припадна на суданскиот документарец „Зборувајќи со дрвјата“, кој говори за напорите на членовите на Суданскиот филмски клуб да го отворат затвореното кино во градот Омдурман, кое со декади се соочувало со исламистичката цензура. Ова е втор филм посветен на историјата на кината на режисерот Сухаиб Гасмелбари, кој пред три години го направи филмот „Суданските заборавени филмови“. „Зборувајќи со дрвјата“ е многу наградуван филм, тргнувајќи од берлинската „Панорама“, каде што ја доби Наградата на публиката, па Истанбул со Награда на критиката и уште многу други фестивали. Доделувањето на наградите го организира MAD Solutions заедно со Арапскиот филмски центар, при што на веб-страницата на Арапскиот филмски центар може да се најде посебен дел посветен на годишните награди на критичарите, профил за секој критичар кој е дел од жирито и полн попис на имињата на критичарите што учествуваат во жирито, заедно со нивните фотографии и биографии објавени во магазинот „Арапски филм“, кој излегува на англиски јазик. Оваа година за менаџер на наградите на критичарите за арапските филмови беше избрана американската критичарка Дебора Јанг, уредник на „Холивуд репортер“. Инаку, Арапскиот филмски центар е меѓународна промотивна платформа за арапската кинематографија, која и овозможува на филмската индустрија професионален прозор за поврзување со своите колеги од целиот свет. А освен можностите за вмрежување со институции за копродукција и меѓународна дистрибуција, го издава и магазинот „Арапски филм“, кој се дистрибуира на сите меѓународни филмски фестивали.

Комисијата за заразни болести дозволи да се организираат концерти, задолжително со маски

Фото: Б. Грданоски Комисијата за заразни болести денеска дозволи да се организираат настани, рече министерот за здравство Венко Филипче. Комисијата го прифатила предлогот на Здружението на музичари и на претставници на здруженијата за организирање на настани, кои биле заедно на состанок минатата недела, и како што рече Филипче, донеле еден навистина солиден протокол со строго контролиран влез. „Денеска се дозволи да се организираат настани. Капацитетот да биде пополнет не повеќе од 50 проценти на местото каде се органиизира настанот и картите да се продаваат електронски за да не се прават гужви и редици, а исто така задолжително да се носат маски. Станува збор за одличен протокол и здруженијата земаат обврска, што е за пофалба, сами да го контролираат спроведувањето на мерките таму каде што се организираат“, рече министерот.

Треба да Прочитате

Моментална Температура

Skopje
clear sky
19 ° C
19 °
19 °
82 %
1kmh
4 %
чет
35 °
пет
35 °
саб
31 °
нед
26 °
пон
31 °