Совршено сочуван римски мозаик откриен под лозје близу Верона

Мозаикот беше откриен под редовите лози за време на архолошките ископувања Експертите велат дека наодот е „археолошко богатство“ и датира од 3. век од нашата ера Совршено зачуван древен римски мозаик беше откриен во близина на северниот италијански град Верона. Археолозите беа зачудени од откритието, бидејќи се случи речиси еден век откако остатоците од вилата, за која се верува дека датира од III век од н.е., беа откопани во ридско подрачје над градот Неграр ди Валполичела. По откритието во 1922 година, местото беше претежно напуштено, сè додека тим на началникот за археологија, ликовни уметности и пејзаж на Верона продолжи со копањето минатото лето. Тимот се врати на местото во октомври и повторно во февруари пред ископувањето да биде суспендирано поради пандемијата на корона вирусот. Мозаикот беше пронајден на неколку метри под низата лози една недела откако работата беше обновена. „После безброј децении неуспешни обиди, дел од подот и темелите на римската вила лоцирана северно од Верона, откриени од страна на научниците пред еден век, конечно беа изнесени на виделина“, напишаа властите од Неграр ди Валполичела на Фејсбук страницата на градот. „Началникот сега ќе комуницира со сопствениците на областа и општината за да ги идентификува најсоодветните начини да се зачува ова археолошко богатство, кое секогаш се криеше под нашите нозе“. Роберто Грисон, градоначалникот на Неграр ди Валполичела, изјави за локалниот весник „Л’Арена“: „Веруваме дека културното место со ваква вредност заслужува внимание. Поради оваа причина, заедно со началникот и оние кои се одговорни за земјоделски фондови, ќе најдеме начин да го направиме ова богатство да се користи“. Камени плочи кои датираат од пред 2.000 години, исто така беа откриени по отворањето на дупка пред Пантеон во Рим за време на заклучувањето на корона вирусот. Седумте плочи на травертин беа пронајдени 2,5 метри под Пјаца дела Ротонда. Отворањето на дупки се вообичаен проблем во Рим, но за среќа, обично преполнетиот плоштад беше празен во моментот кога се распадна тротоарот во април. Културните места на Италија полека се враќаат во живот, а археолошкиот парк Помпеја беше реотворен во вторникот. Паркот повторно е отворен со воспоставени безбедносни мерки, вклучувајќи проверки на температурата, додека влезната цена е намалена на 5 евра. Колосеумот ќе се отвори на 1 јуни, при што посетителите треба да купуваат билети преку интернет, да носат маски за лице и да ја проверат нивната температура пред да влезат. (Според агенциите)

Бочели излекуван од Ковид-19

Италија– Италијанскиот оперски пејач, тенорот Андреја Бочели, денеска објави дека целосно се опоравил од вирусот Ковид-19. Бочели на својот Фејсбук профил објави дека членовите на неговото семејство и тој имале лесна и асимптоматска форма на болеста, но дека не сакал да го објави тоа во јавност, за да ја заштити приватноста на семејството и непотребно да не ги алармира своите фанови, јави Си-Ен-Ен. Светски познатиот тенор најави дека ќе донира крв за да помогне во клиничкото истражување за оваа болест. На 12 април, на денот на католичкиот Велигден, за време на карантинот, Бочели одржа бесплатен концерт во целосно празната катедрала „Дуомо“ во Милано, кој се пренесуваше преку Интернет.

Нови романи на Божин Павловски на англиски јазик

Во издание на „АЕА” и „Грифин Прес” од Мелбурн, Австралија, на англиски јазик, продолжи издавањето на „Собрани романи” од Божин Павловски. Во превод на доктор Весна Николова и Елена Чаварела, и супервизијата на Бредли Досон, од печат излегоа томот 16 (Враќање во сказните- Return to the Fairytales) и томот 17 (Викај ме Бај-Call me Bye). Ликовните решенија на целата колекција се на сликарката Жаки Линч. Се предвидува до крајот на 2021 година да бидат преведени и преостанатите три романи од Божин Павловски. Целиот проект во чест на 80 роденден на авторот е финансиран од австралиски фондови. Сите дела на Божин Павловски се и наоѓаат и во едициите на „Kindle Books”, достапни за глобална дигитална продажба.

Струшки вечери на поезија ќе има, го чекаме добитникот Амир Ор во Струга: Интервју...

Лејла Сабит Се подготвуваме за најдоброто можно сценарио, а тоа е Струшките вечери на поезијата да се одржат во вообичаениот термин и формат на крајот на август, поточно...

Филмскиот фестивал во Венеција ќе се одржи во септември

Италија– Филмскиот фестивал во Венеција ќе се одржи, според распоредот, на почетокот на септември, имајќи предвид дека ширењето на новиот коронавирус во Италија забавува, изјави денеска претседателот...

Треба да Прочитате

Моментална Температура

Skopje
light rain
14 ° C
14 °
14 °
76 %
5.1kmh
75 %
Tue
15 °
Wed
22 °
Thu
26 °
Fri
23 °
Sat
23 °